Energimontør / Energioperatør

Alt startar med ein dråpe vatn 

Eviny Fornybar er ein del av kjerneverksemda  i Eviny og ein viktig bidragsytar i vår jakt på null utslepp gjennom fornybar kraftproduksjon. Vår kjerneoppgåve er å skape meirverdi av vatnet, og i dag er verdien av fornybar og regulert energi større enn nokon sinne. 

I hundre år har vasskraft vore grunnlaget for vår verksemd og vi er klare for hundre til. Drift av kraftverk har alltid kravd avansert teknologi, og framover ligg det stort potensiale i å utvikle teknologien og tilnærminga for korleis vi drifter våre anlegg. 

Vi søker ny kollega til vårt tekniske team i Førde. Driftsområde Førde er organisert som ein sjølvstendig seksjon, som har drift- og vedlikehaldsansvar for 11 kraftstasjonar med tilhøyrande reguleringsanlegg. I stillinga  som Energimontør/Energioperatør vil du få arbeide med varierte oppgåver innan drift, vedlikehald og reparasjonar av selskapets kraftverk. Vi vil gi deg god opplæring for å lukkast i rolla.  

Stillinga har Førde som (kontraktuell) arbeidsstad, men dei fleste av våre fagarbeidarar har servicebil og praktiserer direkte frammøte på oppdragstad. Noko reising mellom geografiske område må påreknast. 

Ansvarsområde og kjerneoppgåver i rolla:  

• Drift og vedlikehald av kraftverk med tilhøyrande anlegg  
• Planlegge og dokumentere vedlikehald i vårt FDV system  
• Delta i ny montasje, rehabiliterings og vedlikehaldsprosjekt  
• Praktisere som LFS  
• Delta i tverrfaglege team  
• Delta aktivt i HMS og forbetringsarbeid  
• Bidra i tilstandsvurdering og analyse  
• Bidra til avdelinga sitt mål innanfor HMS og kvalitets arbeid samt oppfylging av 5S  
• Kan tilleggas rolle som byggeleiar, arbeidsleiar, teamleiar, ledsager for eksterne etc.  
• Må kunne delta i vaktordning   

Krav til kompetanse og ferdigheiter for å lukkast i rolla:  

• Fagbrev som energimontør, energioperatør er ynskjeleg, men anna relevant formalkompetanse som fagarbeidar elektro kan vurderast 
• Ynskjeleg med Teknisk fagskule med studieretning innan Elkraft   
• Erfaring frå drift og vedlikehald av elektriske høgspenningsanlegg  
• Erfaring iht kjerneoppgåver i stillinga er ynskjeleg 
• Gode kunnskapar i bruk av PC som arbeidsverktøy og innan IT og adm. programvare  
• Beherske norsk språk både skriftleg og muntleg  
• Minimum førarkort kl B   
• Gode samarbeidsevne og evne til å skape resultat saman med andre blir vektlagt  
• Etterleve våre verdiar; ta ansvar, gå foran og skape resultat  

Eviny Fornybar AS forvaltar kritisk infrastruktur og fylgjer retningslinjer og lovpålagte sikkerhetskrav frå norske myndigheiter i våre rekrutteringsprosessar. Med heimel i Kraftberedskapsforskrifta, føretek vi bakgrunnssjekk ved tilsetting, etter å ha fått samtykke frå deg. Det er ein føresetnad for tilsetting at du tilfredsstiller bakgrunnssjekk.